Plantun de Prouvènço

Pèr coumpara dos planto d'encò nostre

Hainardia cylindrica & Myosotis laxa

Hainardia cylindrica

Poaceae Graminaceae

Nom en français : Lepture cylindrique.

Descripcioun :
Lou leturo-redoun trachis dins li pelouso e li terro argielouso, de cop que i'a salado. L'espigo, de 5 à 25 cm, èi redouno en cilindre, mai o mens enarcado ; caup de 10 à 45 espigueto encastado. Apoudèn que s'atrobo uno souleto glumo (de 5 à 8,5 mm) pèr espigueto, au contro di planto dóu gènre proche Parapholis, que n'an dos. Quicha çai-souto sus la flècho de coumparesoun pèr vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Hainardia
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 25 cm
Flourido : Printèms

Sòu : Ca
Autour basso e auto : 0 à 100 m
Aparado : Noun
Mai à jun

Liò : Tepiero umido l'ivèr - Argielo
Estànci : Termoumediterran à Coulinen
Couroulougi : Eurimediterrano
Ref. sc. : Hainardia cylindrica (Willd.) Greuter, 1967 (= Lepturus cylindricus (Willd.) Trin., 1820 )

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").